தளபாட விற்பனையில் மோசடிசெய்த சந்தேகநபர் கைது

(மொஹொமட் ஆஸிக்)

தளபாட விற்பனையில் மோசடி செய்து பொதுமக்களை ஏமாற்றிய சந்தேகநபரை நேற்று பொலிஸார் கைது செய்தனர்.  

மர தளபாடங்களை தவணை அடிப்படையில் விற்பனை செய்யும் பாணியில் வீடுகளுக்கு சென்று, வீட்டு உரிமையாளர்களிடம் பேசி, மாலையில் அல்லது மறுநாள் காலையில் தளபாடங்களை கொண்டுவந்து தருவதாக கூறி பெருந்தொகையான பணத்தினை மோசடி செய்ததாகக் கூறப்படும் சந்தேக நபர் ஒருவரையே தம்புள்ளை பொலிஸார் நேற்று வியாழக்கிழமை கைது செய்துள்ளனர்.

குருநாகல், குளியாப்பிட்டிய பிரதேசத்தை சேர்ந்த இச்சந்தேக நபர், தம்புள்ளை பிரதேசத்தில் வீடு வீடாக சென்று தவணை அடிப்படையில் மர தளபாடங்களை பெற்றுக்கொடுப்பதாகக் கூறி, அதற்காக தயாரிக்கப்பட்ட போலி ஆவணங்களை சமர்ப்பித்து பொதுமக்களை ஏமாற்றியுள்ளதாக தம்புள்ளை பொலிஸார் தெரிவிக்கின்றனர்.