பொலிஸ் வைத்தியசாலையில் துப்பாக்கி திருட்டு : இரண்டு கான்ஸ்டபிள்கள் கைது

(சி.எம்.ரிக்பாத்)

கண்டி குண்டசாலை பொலிஸ் வைத்தியசாலையின் பொலிஸ் காவலறையில் வைக்கப்பட்டிருந்த ரி.56 ரக துப்பாக்கி ஒன்று காணாமல் போனமை தொடர்பில் அங்கு கடமையிலிருந்த இரண்டு கான்ஸ்டபிள்கள் கைது செய்யப்பட்டுள்ளதாக கண்டி பொலிஸ் நிலைய அதிகாரிகள் தெரிவித்தனர்.

கடந்த 31 ஆம் திகதி ஞாயிற்றுக்கிழமை குண்டசாலை பொலிஸ் வைத்தியசாலையின் காவல் நிலையத்தில் வழமைப்போல் இரு பொலிஸ் கான்ஸ்டபின்கள் கடமையிலீடுப்பட்ருந்தனர். இதன்போது அவர்களில் ஒருவரது துப்பாக்கி திடீரென காணாமல் போயுள்ளது.

இது தொடர்பாக கண்டி தலைமையக பொலிஸார் விசாரணைகளை மேற்கொண்டு வந்த நிலையில் நேற்று முன்தினம் மாலை குறித்த வைத்தியசாலையில் கடமையாற்றிய இரண்டு பொலிஸ் கான்ஸ்டபிள்களை கைது செய்து விசாரணைக்குட்படுத்தி வருகின்றனர்.