குண்டசாலை பொலிஸ் வைத்தியசாலையில் காணாமல் போன துப்பாக்கி கண்டுபிடிப்பு

(சி.எம்.ரிஃபாத்)

குண்டசாலை பொலிஸ் வைத்தியசாலையிலிருந்து காணாமல் போனதாகக் கூறப்படும் ரி௫6 ரக துப்பாக்கி, குறித்த வைத்தியசாலைக்கு அருகிலுள்ள சிறிய நீர்த்தேக்கப் பகுதியிலிருந்து நேற்று புதன்கிழமை மாலை பலகொல்ல பொலிஸாரால் கண்டுபிடிக்கப்பட்டுள்ளது.

பலகொல்ல பொலிஸாருக்கு நேற்று கிடைக்கப்பெற்ற தகவலொன்றை அடுத்து குறித்த நீர்த்தேக்கத்தை சோதனையிட்ட பொலிஸார் இந்த துப்பாக்கியை மீட்டுள்ளனர்.

குண்டசாலை பொலிஸ் வைத்தியசாலையின் காவலறையொன்றிலிருந்து இந்த துப்பாக்கி கடந்த 30ஆம் திகதி இரவு காணாமல் போயிருந்தததுடன் சந்தேகத்தின் பேரில் அன்றிரவு கடமையிலிருந்த இரு பொலிஸ் கான்ஸ்டபிள்கள் கடமையிலிருந்து இடைநிறுத்தப்பட்டதுடன் கைதும் செய்யப்பட்டனர்.

இந்நிலையில், காணாமல் போனதாகக் கூறப்படும் துப்பாக்கியை மீட்டுள்ள பலகொல்ல பொலிஸார் இது தொடர்பான விசாரணைகளை தொடர்ந்தும் மேற்கொண்டு வருகின்றனர்.