மத்திய மாகாணத்தில் கலைத்துறையில் ஆர்வமுள்ள மாணவர்களுக்கு விசேட பயிற்சி

(எம்.எம்.எம்.ரம்ஸீன்)

மத்திய மாகாணத்தில் வீணை, வயலின், கர்நாடக சங்கீதம், பரத நாட்டியம் முதலான கலைத்துறைகளில் திறமையுள்ள மாணவர்களை பாடசாலை மட்டத்தில் தெரிவு செய்து பயிற்சியளிக்க மத்திய மாகாண தமிழ் கல்வி அமைச்சு நடவடிக்கைகளை மேற்கொண்டுள்ளதாக மத்திய மாகாண தமிழ் கல்வியமைச்சர் திருமதி அனூசியா சிவராஜா தெரிவித்துள்ளார்.  

கண்டி, நுவரெலிய மற்றும் மாத்தளை மாவட்ட பாடசாலைகளில் பயிலும் திறமையுள்ள மாணவர்களை தெரிவு செய்து வளவாளர்களை கொண்டு பயிற்சியளிக்கவுள்ளதாகவும் அவர் மேலும் குறிப்பிட்டுள்ளார்.