பதுளையில் நேற்றிரவு 7 கடைகளில் கொள்ளை

                                   (எம்.எச்.எம்.தாஹிர்)
பதுளை பசறை நகரத்தில் நேற்றிரவு 07 கடைகள் உடைக்கப்பட்டு பொருட்கள் கொள்ளையிடப்பட்டுள்ளன. இச்சம்பவம் குறித்தான விசாரணைகளை பசறை பொலிஸார் மேற்கொண்டு வருகின்றனர்.

கொள்ளையிடப்பட்ட பொருட்களின் பெறுமதி இதுவரை மதிப்பிடப்படவில்லை.

கடை உரிமையாளர்கள், ஊழியர்கள் நேற்றிரவு 9 மணிக்குப்பின் கடைகளை பூட்டிச் சென்றப்பின்பே, இச்சம்பவம் இடம்பெற்றுள்ளதாகவும், இன்று காலை கடைகளை திறப்பதற்காக வந்தப்போது கடைகள் உடைக்கப்பட்டு பொருட்கள் கொள்ளையிடப்பட்டுள்ளதை அறிந்ததாகவும் பொலிஸில் முறைப்பாடு செய்யப்பட்டுள்ளது.

இக்கொள்ளை சம்பவத்துடன் தொடர்பான சந்தேக நபர்கள் இதுவரை கைதுசெய்யப்படவில்லை.