உச்ச விலையில் பச்சை மிளகாய்

- குணசேகரன்

யாழ்ப்பாணத்தின் சந்தைகளில் பச்சை மிளகாய் ஒரு கிலோகிராம் 800 ரூபாய்க்கு விற்பனை செய்யப்படுகின்றது.

யாழ்ப்பாணத்தில் பெய்த மழையால் பச்சை மிளகாயின் அறுவடையானது வீழ்ச்சியடைந்து, சந்தைக்கு வரும் பச்சை மிளகாயின் அளவு குறைவடைந்தமையால் இந்த விலையேற்றம் ஏற்பட்டுள்ளது.

கடந்த வாரத்தில் 1,000 ரூபாய் வரையில் ஒரு கிலோ பச்சை மிளகாய் விற்பனை செய்யப்பட்டதாகவும், இந்த வாரத்திலேயே சற்றுக்குறைந்து 800 ரூபாய்க்கு விற்பனை செய்யப்படுகின்றதாக சந்தை வியாபாரிகள் தெரிவித்தனர்.

இதேபோல் யாழ்ப்பாணத்து சின்ன வெங்காயம் ஒரு கிலோகிராம் 180 ரூபாவுக்கு விற்பனை செய்யப்படுகின்றது. திடீர் மழையால் வெங்காயச் செய்கையானது பெருமளவுக்கு அழிவடைந்தமையால் வெங்காயத்தின் விலையும் அதிகரித்துள்ளது.