போக்குவரத்து அமைச்சர் யாழ். விஜயம்

போக்குவரத்து அமைச்சர் நிமால் ஸ்ரீபால டி.சில்வா, சனிக்கிழமை (03) கொழும்பிலிருந்து புகையிரதத்தில் மக்களுடன் பயணம் செய்து யாழ்ப்பாணத்துக்கு விஜயம் செய்தார்.

12.30 க்கு யாழ்ப்பாணத்தை வந்தடைந்த புகையிரதத்தில் பயணம் செய்த அமைச்சரை சிறுவர் மற்றும் பெண்கள் விவகார இராஜாங்க அமைச்சர் விஜயகலா மகேஸ்வரன், நாடாளுமன்ற உறுப்பினர் கே.என்.டக்ளஸ் தேவானந்தா, நாடாளுமன்ற உறுப்பினர் அங்கஜன் இராமநாதன் ஆகியோர் வரவேற்றனர்.

இதன்போது புகையிரத நிலைய வளாகத்தை அமைச்சர் பார்வையிட்டதுடன் புகையிரதத்தில் பயணம் செய்யும்போது மக்கள் தெரிவித்த முறைப்பாடுகள் தொடர்பில் இராஜாங்க அமைச்சர் விஜயகலா மகேஸ்வரன், நாடாளுமன்ற உறுப்பினர் கே.என்.டக்ளஸ் தேவானந்தா, நாடாளுமன்ற உறுப்பினர் அங்கஜன் இராமநாதன் ஆகியோருடன் கலந்துரையாடினார். அத்துடன் அங்கிருந்த மக்களையும் சந்தித்து கலந்துரையாடினார்.