கொத்மலையில் இருந்து யாழ்ப்பாணத்துக்கு கல்விக்குழு

யாழ். மாவட்ட ஆரம்பக்கல்வி மாணவர்களின் நிலை தொடர்பாக ஆராய்வதற்கு நுவரெலியா மாவட்டத்தின் கொத்மலையில் இருந்து கல்விக் குழு ஒன்று இன்று யாழ்ப்பாணத்துக்கு விஜயம் செய்துள்ளது.

இக்குழுவில் கொத்மலை வலயக்கல்விப் பணிப்பாளர், கோட்டக்கல்விப் பணிப்பாளர், ஆரம்ப உதவிக் கல்விப் பணிப்பாளர், அதிபர்கள், ஆசிரியர்கள் அடங்குவர்.

யாழ்ப்பாணத்துக்கு விஜயம் செய்துள்ள இக்குழு, யாழ். வலயக் கல்விப் பணிப்பாளர் திருமதி அ.வேதநாயகம் தலைமையில் குறித்த பாடசாலைகளுக்கு நேரடி விஜயம் செய்து அவர்களின் கல்வி நிலை குறித்து ஆராந்துள்ளது.

யாழ். ஜோன். பொஸ்கோ, யாழ். இந்து மகளிர் ஆரம்பப் பாடசாலை, சென். பெனடிக்ற், சென். ஜேம்ஸ் ஆகிய பாடசாலைக்கு இக்குழு விஜயம் செய்துள்ளது.

இதேவேளை, யாழ். வலயக் கல்விப் பணிமனைக்குச் சென்ற இக்குழு அங்குள்ள நிலைமைகள் குறித்தும் ஆராய்ந்ததாகத் தெரிவிக்கப்பட்டது.