வெளிநாட்டு சிகரெட்டுக்களை விற்றவர் கைது

-செல்வநாயகம் கபிலன்

மல்லாகம் பகுதியில் உள்ள வர்த்தக நிலையத்தில் வெளிநாட்டு சிகரெட்டுகளை விற்பனை செய்த உரிமையாளரை வியாழக்கிழமை (06) கைது செய்துள்ளதாக தெல்லிப்பளை பொலிஸார் தெரிவித்தனர்.

பொலிஸாருக்கு கிடைத்த இரகசிய தகவலை அடுத்து குறித்த கடைக்குச் சென்ற இரகசிய பொலிஸார், சிகரெட் வாங்குவது போல் பாவனை செய்து கடை உரிமையாளரை கைது செய்துள்ளனர்.

மேலும் விற்பனைக்கு வைத்திருந்த 94 சிகரெட்டுக்களையும் பொலிஸார் இதன் போது மீட்டுள்ளனர். கைதான கடை உரிமையாளரை மல்லாகம் மாவட்ட நீதிமன்றில் ஆஜர்ப்படுத்த பொலிஸார் நடவடிக்கை எடுத்துள்ளனர்.