HNBயின் 201ஆவது கிளை; களுவாஞ்சிக்குடி திறப்பு

(ஜதுசன்)

களுவாஞ்சிக்குடி பிரதேசத்தில் ஹற்றன் நஷனல் வங்கியின் 201ஆவது கிளை இன்று காலை வைபவ ரீதியாக வங்கிகளின் முகாமைத்துவ பணிப்பாளர் ராஜேந்திரா தியாகராஜாவினால் திறந்து வைக்கப்பட்டது.

வங்கியின் முகாமையாளராக கே.வடிவழகன் கடமைகளைப் பொறுப்பேற்றுள்ளதுடன், அதி நவீன வசதி கொண்ட வங்கிக்கிளையே இது என அவர் தெரிவிக்கின்றார். படுவான்கரை, எழுவான்கரை பிரதேச மக்களுக்கு சிறந்த சேவையை இக்கிளையூடாக வழங்க முடியும் எனவும் அவர் குறிப்பிடுகின்றார்.

தனியாரின் அதி நவீன வசதி கொண்ட கட்டிடத்தில் இக்கிளை இயங்குவதுடன், நிபுணத்துவம் கொண்ட உத்தியோகத்தர்களுடன் இயங்கும் இக்கிளை மூலம் பிரதேச மக்கள் சிறந்த சேவையை பெறமுடியும் என்பதே எதிர்பார்ப்பாகும்.