வாகன விபத்தில் வான் சாரதி உட்பட ஐவர் காயம்

( ரி-விவேகராசா )

தேங்காய் லொறியொன்றும் பயணிகள் வானும் மோதிக்கொண்டதில் வான் சாரதி உள்ளிட்ட ஐந்து பேர் காயமடைந்த நிலையில் வவுனியா அரசினர் பொதுவைத்தியசாலையில் அனுமதிக்கப்பட்டுள்ளனர்.

இன்று காலை 5.45 மணியளவில் வவுனியா- கண்டி வீதியில் கலகந்தகம என்னும் இடத்தில் இந்த விபத்து இடம்பெற்றுள்ளது.

வவுனியாவிலிருந்து கொழும்பிற்கு பயணிகளுடன் சென்ற வானும் தேங்காய் ஏற்றிக்கொண்டு வவுனியா வந்துகொண்டிருந்த லொறியுமே மோதிக்கொண்டது என போக்குவரத்து பொலிஸாரின் விசாரணையின்போது தெரியவந்துள்ளது.