மன்னாரில் தேசிய சுகாதார வாரம் அனுஷ்டிப்பு

(எஸ்.ஜெனி)

மன்னார் பிராந்திய சுகாதார சேவைகள் திணைக்களத்தினால் இன்று திங்கட்கிழமை தேசிய சுகாதார வாரம் அனுஷ்டிக்கப்பட்டது.
இந்நிகழ்வு மன்னார் பிராந்திய சுகாதார சேவைகள் பனிமனையின் கேட்போர் கூடத்தில் இடம்பெற்றது.

இதன்போது மன்னார் மாவட்ட பிராந்திய சுகாதார சேவைகள் பணிப்பாளர் என்.பரீட், உதவி பிராந்திய சுகாதார சேவைகள் பணிப்பாளர் அரவிந்தன், மன்னார் நகர சபை தலைவர் சந்தான் பிள்ளை ஞானப்பிரகாசம் உள்ளிட்ட பலர்  கலந்துகொண்டனர்.

தேசிய சுகாதார வாரத்தினை முன்னிட்டு இன்று 3ஆம் திகதி திங்கட்கிழமை தொடக்கம் எதிர்வரும் 9ஆம் திகதி வரையிலான ஏழு தினங்களுக்கு மன்னார் மாவட்டத்தில் பல நிகழ்வுகள் ஏற்பாடு செய்யப்பட்டுள்ளன.