கிளிநொச்சி மாவட்ட மகளிர் அபிவிருத்தி அமைப்பு அங்குராப்பணம்

(கபில்)

கிளிநொச்சி மாவட்ட மகளிர் அபிவிருத்தி அமைப்பு கிளிநொச்சி மாவட்ட செயலகத்தில் வைத்து இன்று வியாழக்கிழமை அங்குரார்ப்பணம் செய்து வைக்கப்பட்டது.

இதன் மூலம் கிளிநொச்சி மாவட்ட மகளிர் எதிர்நோக்கும் பிரச்சனைகளை கையாளக்கூடியதாக இருக்கும் என்பதுடன் மகளிருக்கான வாழ்வாதார செயற்பாட்டுடனான நிகழ்ச்சித் திட்டங்களையும் முன்கொண்டு செல்ல முடியும் என தெரிவிக்கப்பட்டுள்ளது.

இந்த அங்குரார்ப்பண நிகழ்வில் மாவட்ட சமூக சேவை உத்தியோகத்தர் த.கிருபாகரன், ஐக்கிய நாடுகள் அபிவிருத்தி திட்டத்தின் தலைமை அதிகாரி வி.நவநீதன் ஆகியோர் பங்குபற்றியிருந்ததுடன் அமைப்பின் தலைவியாக தர்மலிங்கம் செல்வராணியும் செயலாளராக ஜெ.கிறிஸ்ரினம்மாவும் பொருளாளராக சி.வி.தவசிறியும் தெரிவு செய்யப்பட்டதுடன் பதினைந்து பேர் கொண்ட நிர்வாக சபையும் தெரிவு செய்யப்பட்டது.