க.பொ.த (சா/த) பரீட்சைக்கு மன்னாரிலிருந்து 3,651 பரீட்சார்த்திகள் தோற்றுகின்றனர்

 (எஸ்.ஜெனி)

இன்று ஆரம்பமான கல்விப் பொதுத்தராதர சாதாரணதரப் பரீட்சைக்கு மன்னார் மாவட்டத்திலிருந்து 3,651 பரீட்சார்த்திகள்  தோற்றுவதாக மன்னார் வலயக் கல்விப் பணிப்பாளர் எம்.ஆபேல் ரெவ்வல் தெரிவித்தார்.

மன்னாரில் 32 பரீட்சை நிலையங்களில் பரீட்சை நடைபெறுவதாகவும் அவர் கூறினார்.

மன்னார் மற்றும் மடு ஆகிய இரண்டு கல்வி வலயங்களினூடாக  பரீட்சைகள் நடைபெறுகிறது. இதன்படி மன்னார் கல்வி வலயத்தில் 25 பரீட்சை நிலையங்களில் 3020 பரீட்சார்த்திகளும் மடு கல்வி வலயத்தில் 07 பரீட்சை நிலையங்களில் 631 பரீட்சார்த்திகளும்  பரீட்சைக்குத் தோற்றுவதாக மன்னார் வலயக் கல்விப் பணிப்பாளர் எம்.ஆபேல் ரெவ்வல்  தெரிவித்தார்.