வவுனியாவில் 91 வீதமான பிரதேசங்களில் வெடிபொருள்கள் அகற்றல்

(பாலமதி)

வவுனியா மாவட்டத்தில் இதுவரை 91 வீதமான பிரதேசங்களில் வெடிபொருள்கள் அகற்றப்பட்டுள்ளன என்று வவுனியா மாவட்ட அரச அதிபர் திருமதி எச். சார்ள்ஸ் தெரிவித்துள்ளார்.

இது தொடர்பாக அவர் மேலும் தெரிவிக்கையில்:

வவுனியா  மாவட்டத்தில் இதுவரை 91 வீதமான பிரதேசங்களில் வெடிபொருள்கள் அகற்றப்பட்ட நிலையில் அங்கு மக்கள் மீள்குடியேற்றப்பட்டுள்ளனர்.

இப்பகுதிகளில் 8 ஆயிரத்தி 660 குடும்பங்கள் இதுவரை மீள்குடியமர்த்தப்பட்டுள்ளனர். ஏனைய பிரதேசங்களிலும் விரைவில் வெடிபொருள்கள் அகற்றப்பட்டு மக்கள் மீள்குடியமர்த்தப்படுவர் என்று அவர் மேலும் தெரிவித்தார்.