வாழ்வியல் தரிசனம் 01/04/2016

பொல்லாத மனிதர்களுக்கே சட்டங்களைக் கடுமையாகச் செலுத்த வேண்டியிருக்கின்றது.

மனசாட்சியுடன் நல்லபடி வாழ்பவர்கள், இயல்பாகவே சட்டங்களுக்குக் கௌரவத்தை அளித்து வருகின்றனர்.

எல்லோருமே நல்லவரானால் காவல்துறைக்கும் நீதிமன்றங்களுக்கும் வேலையே இருக்காது.

ஆனால், இன்று உலகம் முழுவதிலுமே அராஜகம், வன்முறைகள் மலிந்துவிட்டன. எனவே, கண்டிப்பாக நடந்து கொள்வது நீதித்துறையினரதும், காவல் துறையினரதும் பொறுப்புமாகும்.

ஒழுக்கத்துடன் வாழ்வது சுலபமான விடயம் என்பதை உணராமையினாலேயே, உலகில் தவறுகள் நிறைந்துவிட்டன. குறைகள், தவறுகள் செய்தல் மானுட இயல்பு இதனை உணர்ந்து இயங்குவதே சிறப்பு. இதுவே, வாழ்வில் நிறைமாந்தராவதற்கான வழியுமாகும்.

எல்லோருமே சந்தோஷமாக இருக்க வேண்டுமென எண்ணினாலேபோதும் கண்ணியத்துடன் இயங்கும் குணம் வந்துவிடும்.

-பருத்தியூர் பால வயிரவ நாதன்