வீடொன்றிலிருந்து 4 இலட்சம் ரூபாய் கொள்ளை

நா.நவரத்தினராசா

சுன்னாகம் பழைய பொலிஸ் நிலைய வீதியிலுள்ள வீடொன்றிலிருந்து சுமார் நான்கு இலட்சம் ரூபாய் பெறுமதியான நகைகளும் பத்தாயிரம் ரூபாய் பணமும் கொள்ளையடித்துச் செல்லப்பட்டுள்ளதாக சுன்னாகம் பொலிஸ் நிலையத்தில் சனிக்கிழமை (03) முறைப்பாடு செய்யப்பட்டுள்ளது.

சுன்னாகம் பழைய பொலிஸ் நிலைய வீதியிலுள்ள வீடொன்றில் தனியாக வசித்து வரும் இளம் பெண் ஒருவரின் வீட்டிலேயே இவ்வாறு கொள்ளையடித்து செல்லப்பட்டுள்ளது.

குறித்த கொள்ளைச் சம்பவம் தொடர்பாக சுன்னாகம் பொலிஸார் கைவிரல் அடையாளங்களை சேகரித்துள்ளதுடன் மேலதிக விசாரணைகளையும் மேற்கொண்டு வருகின்றனர்.