Gopikrishna Kanagalingam / 2015 ஒக்டோபர் 17 , மு.ப. 08:56 - 0 - {{hitsCtrl.values.hits}}
காலியில் இடம்பெற்றுவந்த இலங்கை, மேற்கிந்தியத் தீவுகள் அணிகளுக்கிடையிலான முதலாவது டெஸ்ட் போட்டியில், இலங்கை அணி ஓர் இனிங்ஸ் மற்றும் 6 ஓட்டங்களால் வெற்றிபெற்றுள்ளது.
ஃபொலோ ஒன் முறையில் துடுப்பெடுத்தாடப் பணிக்கப்பட்டு, 2 விக்கெட்டுகளை இழந்து 67 ஓட்டங்களுடன் இன்றைய நான்காம் நாள் ஆட்டத்தைத் தொடர்ந்த மேற்கிந்தியத் தீவுகள் அணி, சகல விக்கெட்டுகளையும் இழந்து 227 ஓட்டங்களைப் பெற்று, ஓர் இனிங்ஸ் மற்றும் 6 ஓட்டங்களால் தோல்வியடைந்தது.
துடுப்பாட்டத்தில் ஜேர்மைன் பிளக்வூட் 92 ஓட்டங்களையும் கிறெய்க் பிறெத்வெய்ட் 34, டெரன் பிராவோ 32 ஓட்டங்களையும் பெற்றனர்.
பந்துவீச்சில், ரங்கன ஹேரத் 4 விக்கெட்டுகளையும் தம்மிக்க பிரசாத், மிலிந்த சிரிவர்தன இருவரும் தலா 2 விக்கெட்டுகளையும் நுவான் பிரதீப் ஒரு விக்கெட்டையும் கைப்பற்றினர்.
இப்போட்டியில் முதலில் துடுப்பெடுத்தாடியிருந்த இலங்கை அணி, திமுத் கருணாரத்னவின் 186, டினேஷ் சந்திமாலின் 151 ஓட்டங்களின் துணையோடு, 484 ஓட்டங்களைப் பெற, பதிலளித்தாடிய மேற்கிந்தியத் தீவுகள் அணி, ரங்கன ஹேரத்தின் 6 விக்கெட் பெறுதியில் சுருண்டு, 251 ஓட்டங்களுக்குச் சகல விக்கெட்டுகளையும் இழந்திருந்தமை குறிப்பிடத்தக்கது.
இப்போட்டியின் நாயகனாக, ரங்கன ஹேரத் தெரிவானார்.
அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .
