இரு அளவுகளில் Galaxy S7?

சம்சுங்கினுடைய Galaxy S7 திறன்பேசியானது இரண்டு வித்தியாசமான திரை அளவுகளில் வெளியிடப்படும் என எதிர்பார்க்கப்படுவதாக தகவல்கள் வெளியாகியுள்ளன.

ஒரு வகையானது தட்டையானதாகவும் 5.2 அங்குல திரையைக் கொண்டதாக அமையவுள்ளதுடன் இரண்டாவது Edge வகையிலான திறன்பேசிகளின் முனைகளில் வளைந்ததாக 5.5 அங்குலம் திரையைக் கொண்டதாக அமையும் என தெரிவிக்கப்படுகிறது. முன்னர், Galaxy S7 ஆனது S6 Edge+ இன் திரை அளவான 5.7 அங்குலமாகவே இருக்கும் என முன்னர் ஊகங்கள் வெளியிடப்பட்டிருந்தன.

S7 திறன்பேசியை இரண்டு வித்தியாசமான திரை அளவுகளில் வெளியிடுவது சம்சுங்கின் உத்தியின் மாற்றமாக பார்க்கப்படுகிறது. இந்த வருடத்தில் வெளியிட்ட S6 திறன்பேசியை தட்டையான திரை, வளைந்த திரை என வெளியிட்டிருந்தாலும் இரண்டினதும் திரையின் அளவும் 5.1 அங்குலமாகவே இருந்தது.

வெளியாகியுள்ள மேற்படித் தகவல்களின் படி, அப்பிள், ஐபோன் 6 மற்றும் ஐபோன் 6 பிளஸை முறையே 4.7 அங்குலம், 5.5 அங்குலம் கொண்ட திரைகளில் வெளியிட்ட உத்திக்கு ஈடுகொடுக்கவே மேற்படித் தயாரிப்புக்கள் என தெரியவருகிறது.

தவிர, 3.3 மில்லியன் S7 திறன்பேசிகளையும் 1.6 மில்லியன் S7 Edge திறன்பேசிகளையும் எதிர்வரும் பெப்ரவரி முதல் சம்சுங் தயாரிக்கவுள்ளதாகவும் தகவல்கள் வெளியாகியுள்ளன. முன்னர், எதிர்வரும் மார்ச் மாதத்தில் S7 வெளியிடப்படுமெனவும் அப்பிளின் 3D தொடுகை போன்றதான அழுத்தம் உணரும் திரையைக் கொண்டிருக்கும் எனவும் தெரிவிக்கப்பட்டிருந்தது.  

 


இரு அளவுகளில் Galaxy S7?

அன்புள்ள வாசகர்களே,

நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .
Loading...
 
All the content on this website is copyright protected and can be reproduced only by giving the due courtesy to 'www.tamilmirror.lk' Copyright © 2012 Wijeya Newspapers Ltd.