சாவகச்சேரி மகளிர் கல்லூரியின் வருடாந்த விளையாட்டு போட்டி

கி.பகவான்

சாவகச்சேரி மகளிர் கல்லூரியின் வருடாந்த இல்ல மெய்வன்மை போட்டி வியாழக்கிழமை (28) கல்லூரி மைதானத்தில் அதிபர் திருமதி ல.முகுந்தன் தலைமையில் நடைபெற்றது.

இல்ல மெய்வன்மைப் போட்டியில் 322 புள்ளிகள் பெற்ற கலைமகள் இல்லம் முதலிடத்தையும் 309 புள்ளிகள் பெற்ற பூமகள் இல்லம் இரண்டாமிடத்தையும் 280 புள்ளிகள் பெற்ற மலைமகள் இல்லம் மூன்றாமிடத்தையும் 272 புள்ளிகள் பெற்ற திருமகள் இல்லம் நான்காமிடத்தையும் பெற்றன.

நிகழ்வில் பிரதம விருந்தினராகக் கலந்துகொண்ட வடமாகாண சபை உறுப்பினர் எம்.கே.சிவாஜிலிங்கம், கௌரவ விருந்தினராகக் கலந்துகொண்ட இளம் தொழிலதிபர் த.ஜெயந்தன் ஆகியோர் வெற்றி பெற்ற வீராங்கனைகளுக்கான பரிசில்களை வழங்கினர்.