மென்பானங்கள் தொடர்பில் புதிய விதி

இந்த நடைமுறை, எதிர்வரும் ஒகஸ்ட் மாதம் முதலாம் திகதியிலிருந்து கட்டாயமாக்கப்படும்.

1980ஆம் ஆண்டு இலக்கம் 26 உணவு சட்டத்தின் 32ஆவது பிரிவின் அடிப்படையில் இந்த புதிய விதி உருவாக்கப்பட்டுள்ளது.

அதன்படி, 100 மில்லிலீற்றர் இனிப்பு பானத்தில் 11 கிராமுக்கு அதிகளவில் சீனி சேர்த்திருந்தால் சிவப்பு வர்ண லேபலும் 2 கிராம் தொடக்கம் 11 கிராம் அளவிலான சீனி சேர்த்திருந்தால் மஞ்சல் வர்ண லேபலும் 2 கிராமுக்கு குறைவான சீனி சேர்த்திருந்தால் பச்சை வர்ண லேபலும் ஒட்டப்பட்டிருக்க வேண்டும்.

அத்துடன், சேர்க்கப்பட்ட சீனியின் அளவு குறித்து மூன்று மொழிகளிலும் குறிப்பிட்டிருக்க வேண்டும்.

காபனைட் அடங்கிய பானங்கள், உடனடி பானங்கள், நெக்டோ வகைகள், பழசாறு வகைகள் உட்பட் சகல மென்பான வகைகளும் இந்த புதிய விதிக்கு உட்படுத்தப்பட்டுள்ளதாக தெரிவிக்கப்படுகின்றது.