திருடிய மோட்டார் சைக்கிளின் இலக்கத்தகட்டை மாற்றிய மாணவன் கைது

எம். செல்வராஜா    

திருடப்பட்ட மோட்டார் சைக்கிளின் இலக்கத் தகட்டினை மாற்றி, அதனை செலுத்திச் சென்றார் என்ற குற்றச்சாட்டின் பேரில், 14 வயது மாணவனொருவனை பிபிலை பொலிஸார் நேற்று வெள்ளிக்கிழமை (24) கைது செய்துள்ளனர்.

குறித்த மாணவன், சுமார் ஒன்றரை இலட்சம் ரூபாய் பெறுமதியான மோட்டார் சைக்கிளை திருடிச்சென்று, தனது தந்தையின் மோட்டார் சைக்கிளின் இலக்கத் தகட்டை, திருடிய மோட்டார் சைக்கிளில் பொருத்தி, செலுத்திச் சென்றுள்ளான்.

பொலிஸாருக்கு கிடைத்த இரகசிய தகவலையடுத்தே குறித்த மாணவன் கைது செய்யப்பட்டுள்ளார். இது தொடர்புடைய மேலதிக விசாரணைகளை பொலிஸார் மேற்கொண்டு வருகின்றனர்.