விபத்தில் பெண் காயம்

-மு.இராமசந்திரன்

ஹட்டன் பொலிஸ்பிரிவுக்குட்பட்ட குடாகம பகுதியில் இன்று திங்கட்கிழமை இடம்பெற்ற விபத்தில் பெண் ஒருவர் காயமடைந்த நிலையில் டிக்கோயா மாவட்ட வைத்தியசாலையில் அனுமதிக்கப்பட்டுள்ளார்.

ஹட்டனிலிருந்து குடாகம நோக்கிச் சென்ற முச்சக்கரவண்டியும் கொட்டகலை பகுதியிலிருந்து ஹட்டன் நோக்கி வந்த முச்சகரவண்டியும் நேருக்கு நேர் மோதுண்டு விபத்துக்குள்ளாகியுள்ளன.

ஹட்டனிலிருந்து சென்ற முச்சக்கரவண்டியின் சாரதி கைபேசியில் உரையாடிக்கொண்டு சென்றபோது, எதிரே வந்த முச்சக்கரவண்டியை மோதியுள்ளதாக பொலிஸார் தெரிவித்தனர்.