250 ஏக்கரில் மரமுந்திரிகை செய்கை

-சுப்பிரமணியம் பாஸ்கரன்

கிளிநொச்சி மாவட்டத்தின் பூநகரி மற்றும் பளை ஆகிய பகுதிகளில் 250 ஏக்கர் நிலப்பரப்பில் மரமுந்திரிகை செய்கை மேற்கொள்ளப்படவுள்ளதாக மாவட்ட விவசாயத் திணைக்களம் தெரிவித்துள்ளது.

இலங்கையில் வருமானம் தரக்கூடிய பயிர்களில் ஒன்றாகக் காணப்படும் மரமுந்திரிகை செய்கையை ஊக்குவிக்கும் பொருட்டு, பல்வேறுத் திட்டங்கள் முன்னெடுக்கப்பட்டு வருகின்றன.

இதனடிப்படையில், கிளிநொச்சி மாவட்டத்தில் பளை, பூநகரி ஆகிய பகுதிகளில் 250 ஏக்கர் நிலப்பரப்பில்; மர முந்திரிகை செய்கை மேற்கொள்ளப்படவுள்ளது.

தற்போது, இந்தச் செய்கைக்கான பயனாளிகள் தெரிவு செய்யப்பட்டு மானிய அடிப்படையில் மரமுந்திரிகை கன்றுகள் வழங்கப்;பட்டுள்ளமை குறிப்பிடத்தக்கது.