Shanmugan Murugavel / 2016 செப்டெம்பர் 04 , பி.ப. 04:29 - 0 - {{hitsCtrl.values.hits}}
தென்னாபிரிக்காவில் நிலவும் இன வேறுபாடுகளையும் கறுப்பினத்தவர்களும் வெள்ளையினத்தவரல்லாத ஏனையோரும் பின்தங்கியுள்ளமையை நிவர்த்தி செய்யுமுகமாக முன்னெடுக்கப்படும் நடவடிக்கைகளில் ஓர் அங்கமாக, தென்னாபிரிக்க கிரிக்கெட் அணியில், வெள்ளையரல்லாதவர்கள் 6 பேர் இடம்பெற வேண்டுமென அறிவிக்கப்பட்டுள்ளது.
தென்னாபிரிக்க கிரிக்கெட் சபையின் நிர்வாக சபையில் மேற்கொள்ளப்பட்ட இந்த முடிவு காரணமாக, நிற ஒதுக்கீடென்பது, உத்தியோகபூர்வமாக மாறியுள்ளது.
இதில், வெள்ளையரல்லாத 6 பேரில் குறைந்தது இரண்டு பேர், நிச்சயமாக கறுப்பினத்தவர்களாக இருக்க வேண்டுமெனவும், ஏனையோர், நிறப்பிரிவினராக இருக்க முடியுமெனவும் அறிவிக்கப்படுகிறது.
எனினும், இந்த ஒதுக்கீடு, ஒவ்வொரு போட்டிக்குமெனக் கட்டாயமானதாக இருக்காது. மாறாக, பருவகாலமொன்றுக்குச் சராசரியாக, ஒரு போட்டியில் வெள்ளையரல்லாத 6 பேர் விளையாடியிருக்க வேண்டும். எனவே, ஒரு போட்டியில் அவ்வாறான 4 பேர் விளையாடினால், மற்றொரு போட்டியில் 8 பேர் விளையாடுவதன் மூலமாக, சராசரியான 6 பேர் என்பதை அடைந்து கொள்ள முடியும்.
தென்னாபிரிக்காவில் வெள்ளையினத்தவர்கள் 21.6 சதவீதம் மாத்திரமே காணப்படுகின்ற போதிலும், அந்நாட்டின் கிரிக்கெட் அணியில், வெள்ளையினத்தவர்களே பெரும்பான்மையாக விளையாடுகின்றமை குறிப்பிடத்தக்கது.
அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .
