காணிப்பிணக்குகளை தீர்ப்பதற்கான நடமாடும் சேவை

சுப்பிரமணியம் பாஸ்கரன், நடராசா கிருஸ்ணகுமார்

ஜனாதிபதியின் 'நிலமெகவர' மக்கள் சேவையின் தேசிய திட்டத்துக்கு அமைவாக காணி அமைச்சும், காணி ஆணையாளர் நாயகத்தின் திணைக்களமும் இணைந்து ஏற்பாடு செய்துள்ள கரைச்சி பிரதேசத்துக்குட்பட்ட  காணிப்பிணக்குகளைத் தீர்ப்பதற்கான நடமாடும் சேவை, கரைச்சி பிரதேச செயலகத்தில் கிளிநொச்சி மாவட்ட செயலர் சுந்தரம் அருமைநாயகம் தலைமையில் இன்று (24) இடம்பெற்றது.

இந்நடமாடும் சேவையில் கரைச்சி பிரதேசத்துக்குட்பட்ட 60 வரையான காணிப் பிரச்சினைகள் ஆராயப்பட்டன.

கண்டாவளை, பளை, பூநகரி  ஆகிய பிரதேச பிரிவுகளுக்குரிய இந் நடமாடும் சேவை, கண்டாவளை, பளை, பூநகரி  ஆகிய பிரதேச செயலகங்களில் நாளை செவ்வாய்க்கிழமை (25) இடம்பெறும் என்பது குறிப்பிடத்தக்கது.