காத்தான்குடி நகரசபை ஊழியர்கள் 45 பேர் பணியிலிருந்து நீக்கம்

-ரீ.எல்.ஜவ்பர்கான்

காத்தான்குடி நகர சபையில் கடமையாற்றிவந்த  ஊழியர்கள் 45 பேர், கடந்த 13ஆம் திகதி பணியிலிருந்து நீக்கப்பட்டுள்ளனர் என நகர சபைச் செயலாளர் எம்.எஸ்.எம்.சபீ, இன்று தெரிவித்தார்.  

அரசியல் செல்வாக்குடனும் சட்டவிரோதமான முறையில் நியமனங்களைப் பெற்றுக்கொண்டவர்கள் என்ற அடிப்படையிலும் மேற்படி 45 ஊழியர்களும் பணியிலிருந்து நீக்கப்பட்டுள்ளனர் எனவும் அவர் கூறினார்.

கடந்த 12 முதல் 18 மாதங்கள்வரை காத்தான்குடி நகர சபையில் ஊழியர்களாக இவர்கள் கடமையாற்றி வந்துள்ளனர் எனத் தெரிவித்த அவர்,  அக்காலப்பகுதியில் இவர்களின் சம்பளத்துக்காக மாத்திரம் காத்தான்குடி நகர  சபையின் நிதியிலிருந்து சுமார் 150 இலட்சம் ரூபாய் செலவாகியுள்ளது எனவும் கூறினார்.