கூகுள் விளம்பர தயாரிப்புகளில் பாரிய மாற்றங்கள்

கூகுளின் AdWords பாரிய மாற்றங்களைச் சந்திக்கிறது. அலைபேசிக்கு மேலும் பொருத்தமான முறையில் தனது விளம்பரக் கருவிகளை மாற்றும் பொருட்டு சில இற்றைப்படுத்தல்களை மேற்கொண்டுள்ளதாக தேடல் இயந்திர ஜாம்பாவானான கூகுள் கடந்த செவ்வாய்க்கிழமை (24) அறிவித்துள்ளது.

மேற்படி இற்றைப்படுத்தல்களில் இடம் வாரியான அலைபேசித் தேடுதல்களுக்கு முக்கியத்துவம் வழங்கியுள்ள கூகுள், இவ்வகையான தேடுதல்களானது மற்றைய தேடுதல்களை விட 50 சதவீதம் வளர்ச்சியடைந்து வருவதாக தெரிவித்துள்ளது.

அவ்வகையில் கூகுள் இணையத்தளத்திலும் கூகுள் மப்ஸிலும் புதிய உள்ளூர் விளம்பரத் தேடுதல்களை கூகுள் அறிமுகப்படுத்தியுள்ளது. உதாரணமாக  இதில் கொத்துரொட்டிக் கடை எனத் தேடும்போது, அது எங்கு இருக்கின்றது என்பதையும் தேடுதல்களில் காட்டவுள்ளது.

இது தவிர, ”promoted pins” ஐயும் கூகுள் அறிமுகப்படுத்தியுள்ளது. அதாவது குறிப்பிட்ட நிறுவனத்தின் இலட்சினை வரைபடத்தில் தோன்றுகையில், இலகுவாக குறிப்பிட்ட நிறுவனத்தின் கிளைகளை அடையாளங் காணமுடியும்.