சீனாவைக் குற்றஞ்சாட்டும் ஐ. அமெரிக்கா

கொவிட்-19 பரவல் ஆராய்ச்சியில் ஈடுபடும் நிறுவனங்களை சீனாவுடன் தொடர்புடைய ஹக்கர்கள் இலக்கு வைப்பதாக ஐக்கிய அமெரிக்க அதிகாரிகள் தெரிவித்துள்ளனர்.

தடுப்புமருந்துகள், சிகிச்சைகள், சோதனை தொடர்பில் ஆராய்ச்சியில் ஈடுபடும் ஐக்கிய அமெரிக்க குழுக்கள் மீதான ஹக்கிங் முயற்சிகளைத் தாம் அவதானித்துள்ளதாக புலன்விசாரணை கூட்டாட்சிப் பணியகம் (எப்ஃ.பி.ஐ) தெரிவித்துள்ளது.

உள்நாட்டு பாதுகாப்புத் திணைக்களத்தின் பிரிவொன்றான புலன்விசாரணை மற்றும் இணையப் பாதுகாப்பு மற்றும் உட்கட்டமைப்பு மத்திய முகவரகமானது அரிதானதொரு எச்சரிகையை நேற்று விடுத்திருந்தது.

கொவிட்-19 பதிலளிப்பு தொடர்பில் பணியாற்றும் சுகாதாரநலன், மருந்து, ஆராய்ச்சிப் பிரிவுகள் அனைத்தும் அவையே ஹக்கர்களின் பிரதான இலக்குகள் என அறிந்திருக்க வேண்டும் எனக் கூறப்பட்டுள்ளது.