பலஸ்தீன கிராமத்தை தாக்கிய இஸ்ரேலியர்கள்

ஆக்கிரமிக்கப்பட்ட மேற்குக் கரையிலுள்ள பலஸ்தீனக் கிராமமொன்றான ஜலெளட்டை நேற்று முன்தினமிரவு இஸ்ரேலியக் குடியேற்றவாசிகள் தாக்கியதாகவும், தீ வைத்ததாகவும், கற்களை எறிந்ததாகவும், பலஸ்தீன அதிகாரிகளும், இஸ்ரேலிய மனித உரிமைகள் குழுவான பிடிசேலமும், நேற்று தெரிவித்துள்ளன.

குறித்த கிராமத்துக்கருகிலுள்ள சந்தியொன்றில், சூட்டொன்றில் மூன்று இஸ்ரேலியர்கள் காயமடைந்ததுக்கான பதில் தாக்குதல் போன்று இது தோன்றுகின்றது.

இந்நிலையில், 11 பலஸ்தீனர்களை இஸ்ரேலிய பாதுகாப்புப் படைகள் கைது செய்ததுடன், நான்கு பேர் இறப்பர் குண்டுகளால் காயமடைந்ததாக பிடிசேலம் தெரிவித்துள்ளது.