முக்கிய துறைமுகத்தின் சீன உரிமத்தை மீளாயும் அவுஸ்திரேலியா

ஐக்கிய அமெரிக்க ஈருடகப் படையினருக்கான தளமொன்றாகப் பயன்படுத்தப்பட்ட, மூலோபாயமிக்க முக்கிய துறைமுகத்தின் சீன நிறுவனமொன்றின் உரிமத்தை தனது திணைக்களம் மீளாய்வதாக, அவுஸ்திரேலிய பாதுகாப்பமைச்சர் பீற்றர் டுற்றன் உறுதிப்படுத்தியுள்ளார்.

குறித்த உரிமம் குறித்து ஆலோசனை வழங்குமாறு பாதுகாப்பு திணைக்களத்தை, அவுஸ்திரேலியப் பிரதமர் ஸ்கொட் மொறிஸனின் அமைச்சரவையின் தேசிய பாதுகாப்பு செயற்குழு வினவியுள்ளதாக, நேற்றிரவு பிரசுரிக்கப்பட்ட நேர்காணலொன்றில் டுற்றன் தெரிவித்துள்ளார்.

இந்நிலையில், முதலீட்டை நீக்குவதை அரசாங்கம் கருத்திற் கொள்ளுமா என வினவப்பட்டதற்கு, தேசிய நலன்களை அரசாங்கம் கருத்திற் கொள்ளுமென டுற்றன் தெரிவித்துள்ளார்.