சில பிரதேசங்களில் நாளை மழை பெய்யும்

நாட்டின் பல பிரதேசங்களில் நீடித்துவரும் கடும் வெயிலுடனான வானிலையில், நாளைய தினம் (04) சில மாற்றங்கள் நிலவுமென, இலங்கை வளிமண்டலவியல் திணைக்களம் எதிர்வுகூரியுள்ளது.

அந்தவகையில், சப்ரகமுவா, மேல், வடமேல், மத்தி, ஊவா மற்றும் தென் மாகாணங்களில், நாளை பிற்பகல் 2 மணிக்குப் பின்னர், மழையோ அல்லது இடியுடன் கூடிய மழையோ பெய்யுமென்று, திணைக்களம் தெரிவித்துள்ளது.

குறித்த பிரதேசங்களுக்கு, 75 மில்லிமீற்றரளவில் மழை பெய்யுமென்றும், திணைக்களத்தின் பேச்சாளர் ஒருவர் தெரிவித்துள்ளார்.