ஒப்பந்தம் கைச்சாத்து

எம்.எஸ்.எம்.நூர்தீன், ஏ.எச்.ஏ. ஹுஸைன்

அகில இலங்கை மக்கள் காங்கிரஸ் கட்சிக்கு, காத்தான்குடி நகர சபையில் கிடைத்த ஓர் ஆசனத்தை தலா ஒரு வருடம் என்ற அடிப்படையில், போட்டியிட்ட வேட்பாளர்களுக்குப் பங்கீடு செய்யும் ஒப்பந்தம், கட்சித் தவிசாளரும் பிரதியமைச்சருமான எம்.எஸ்.எஸ்.அமீர் அலி முன்னிலையில், ​நேற்று (28) இரவு கைச்சாத்திடப்பட்டது.

இதன்போது, காத்தான்குடி நகர சபை உறுப்பினர் ஏ.எம்.எம்.மாஹீர், இக்கட்சியில், போட்டியிட்ட ஏனைய வேட்பாளர்களான ரி.எல்.ஜௌபர்கான், முகைதீன் சாலி மற்றும் முகம்மது சப்ரி ஆகியோர் இந்த ஒப்பந்தத்தில் கைச்சாத்திட்டமை குறிப்பிடத்தக்கது.