ஆங்கில தினப்போட்டி

-எம்.எஸ்.எம்.ஹனீபா

அம்பாறை, அக்கரைப்பற்று வலயக் கல்வி அலுவலகத்துக்குட்பட்ட பாடசாலை மாணவர்களுக்கான ஆங்கில தினப் போட்டி எதிர்வரும் 21ஆம் 23ஆம் திகதிகளில் நடைபெறவுள்ளதாக வலயக் கல்வி அலுவலக ஆங்கில உதவிக் கல்விப் பணிப்பாளர் பீ.எம்.அபுல் ஹஸன்,  இன்று  செவ்வாய்க்கிழமை தெரிவித்தார்.

ஆண்டு 10 தொடக்கம் 13ஆம் ஆண்டு வரையான மாணவர்களின் போட்டி நிகழ்ச்சிகள் எதிர்வரும் 21ஆம்; திகதி அக்கரைப்பற்று ஆயிஷா பெண்கள் கல்லூரியிலும் ஆண்டு 03 தொடக்கம் 09ஆம் ஆண்டு மாணவர்களின் போட்டி நிகழ்ச்சிகள் எதிர்வரும் 23ஆம் திகதி அக்கரைப்பற்று ஆண்கள் கல்லூரியிலும் நடைபெறவுள்ளன.

அக்கரைப்பற்று வலயக் கல்வி அலுவலகத்துக்குட்பட்ட அட்டாளைச்சேனை, அக்கரைப்பற்று, பொத்துவில் ஆகிய மூன்று கோட்டக் கல்வி அலுவலகங்களிலிருந்து 35 பாடசாலை மாணவர்கள் இப்போட்டியில் பங்குபற்றவுள்ளதாகவும் அவர் கூறினார்.