ஆயுர்வேத கருத்தரங்கும் கண்காட்சியும்

-பைஷல் இஸ்மாயில்

கிழக்கு மாகாண ஆயுர்வேத திணைக்களத்தினால் கிழக்கு மாகாணத்திலுள்ள பாரம்பரிய வைத்தியர்களுக்கு கிழக்கு மாகாண ஆயுர்வேத கருத்தரங்கும் கண்காட்சியும், கல்முனை பிரதேச செயலகத்தில் நாளை செவ்வாய்க்கிழமை (19) இடம்பெறவுள்ளதாக கல்முனை பிரதேச செயலாளர் எம்.எச்.ஹனி தெரிவித்தார்.

'கிழக்கு மாகாண ஆயுர்வேத கருத்தரங்கும் கண்காட்சியும் - 2016' என்ற கருப்பொருளில் இது தொர்பான விளக்கங்களுடன் கூடிய கருத்தரங்கு, குறித்த பிரதேச செயலக கேட்போர் கூடத்தில் நாளை காலை 09 மணிக்கு ஆரம்பிக்கப்பட்டு பிற்பகல் 11 மணிவரை இடம்பெறவுள்ளது.

கல்முனை முஸ்லிம் பிரதேச செயலகத்துக்குட்பட்ட பாரம்பரிய வைத்தியர்கள் இக்கருத்தரங்கிலும் கண்காட்சியிலும் கலந்துகொள்ளவுள்ளதாகவும் பிரதேசத்தின் சமூக வைத்திய அதிகாரியான வைத்தியர் எம்.ஜே.எம்.ஹஸானினால் சகல ஏற்பாடுகளும் செய்யப்பட்டுள்ளதாகவும் அவர் மேலும் தெரிவித்தார்.