ஆற்று மண் ஏற்றிய ஐவருக்கு அபராதம்

-எம்.எஸ்.எம். ஹனீபா
 
அக்கரைப்பற்று மற்றும் திருக்கோவில் பிரதேசங்களில் அனுமதிப்பத்திர நிபந்தனையை மீறி சட்டவிரோதமாக ஆற்று மண் ஏற்றிய குற்றச்சாட்டின் பேரில் கைதுசெய்யப்பட்ட 05 நபர்களுக்கு, தலா 15 ஆயிரம் ரூபாய் அபராதம் அக்கரைப்பற்று மாவட்ட நீதிமன்ற நீதவானும் நீதவான் நீதிமன்ற நீதவானுமாகிய திருமதி நளினி கந்தசாமி, நேற்று செவ்வாய்க்கிழமை (19) விதித்துள்ளார்.
 
அக்கரைப்பற்று மற்றும் திருக்கோவில் பொலிஸாரால் குறித்த நபர்கள் அண்மையில் கைதுசெய்யப்பட்டு மீது நீதிமன்றில் வழக்குத் தாக்கல் செய்யப்பட்டிருந்தது.
 
இவ் வழக்கு விசாரணை, நேற்று (19) அக்கரைப்பற்று மாவட்ட நீதிமன்ற நீதவானும் நீதவான் நீதிமன்ற நீதவானுமாகிய திருமதி நளினி கந்தசாமி முன்னிலையில் எடுத்துக்கொள்ளப்பட்ட போது நீதவான் மேற்கண்டவாறு தீர்ப்பளித்துள்ளார்.