இரு வியாபாரிகளுக்கு விளக்கமறியல்

-எம்.எஸ்.எம்.ஹனீபா

அம்பாறை, அக்கரைப்பற்றுப் பிரதேத்தில் செங்கல் விற்பனையில் மோசடி செய்த குற்றச்சாட்டின் பேரில் கைதுசெய்யப்பட்ட இரு வியாபாரிகளை எதிர்வரும் 16ஆம் திகதிவரை விளக்கமறியலில் வைக்குமாறு அக்கரைப்பற்று மாவட்ட நீதிமன்ற நீதவானும் நீதவான் நீதிமன்ற நீதவானுமான திருமதி நளினி கந்தசாமி, இன்று வெள்ளிக்கிழமை உத்தரவிட்டுள்ளார்.

அம்பாறை பிரதேசத்தைச் சேர்ந்த இந்தச் செங்கல் வியாபாரிகள், அக்கரைப்பற்றுப் பிரதேசத்துக்கு விற்பனைக்காக கொண்டுவந்த செங்கற்களின் எண்ணிக்கையில் மோசடி செய்து விற்பனை செய்து வந்துள்ளனர்.

இது தொடர்பாக மக்கள், பொலிஸில் செய்த முறைப்பாட்டை அடுத்து நேற்று வியாழக்கிழமை அக்கரைப்பற்று பொலிஸாரால் குறித்த சந்தேக நபர்கள் கைதுசெய்யப்பட்டனர்.