இரு வேறு வீடுகளில் கூரைகளை பிரித்து கொள்ளை

-வி.சுகிர்தகுமார், எம்.எஸ்.எம்.நூர்தீன்

அம்பாறை, அக்கரைப்பற்று பொலிஸ் பிரிவுக்குட்பட்ட ஆலையடிவேம்பு பகுதியில் நேற்று ஞாயிற்றுக்கிழமை (20) இரவு வீட்டுக்குள் புகுந்த கொள்ளையர்கள்; அலுமாரியிலிருந்த 7 பவுண் நகை, பணம் உட்பட் பெறுமதியான பொருட்களை கொள்ளையடித்து சென்றுள்ளனர்.

வீட்டில் யாரும் இல்லாத வேளையிலேயே வீட்டின் ஓடுகளை பிரித்து கயிற்றின் உதவியுடன் உட்புகுந்து திருடர்கள் தமது கைவரிசையை காட்டியுள்ளதாக அக்கரைப்பற்று பொலிஸார் தெரிவித்தனர்.

இதேவேளை,மட்டக்களப்பு காத்தான்குடி 2ஆம் குறிச்சி இப்றாலெவ்வை போடியார் வீதியில் நேற்று ஞாயிற்றுக்கிழமை(20) இரவு வீடொன்றில் பணம் கொள்ளையிடப்பட்டுள்ளதாக காத்தான்குடி பொலிஸார் தெரிவித்தனர்.

வீட்டில் யாரும் இல்லாத வேளையிலேயே வீட்டின் கூரை ஓடுகளை உடைத்து உட்புகுந்த திருடர்கள் அலுமாரியிலிருந்த பணத்தை  கொள்ளையிட்டு சென்றுள்ளதாகவும் பொலிஸார் தெரிவித்தனர்.

இவ்விரு கொள்ளை சம்பவங்கள் தொடர்பாக பொலிஸார் விசாரணைகளை மேற்கொண்டு வருகின்றனர்.