உதவிப்பொருட்கள் வழங்கிவைப்பு

-நடராஜன் ஹரன்  

அம்பாறை, அக்கரைப்பற்று, கண்ணகி கிராமத்தில்  ஐந்து பேரைக் கொண்ட பெண்கள் குழுவுக்கு ஒருதொகுதி தும்பு மற்றும் இராட்டினங்களும் நேற்று வியாழக்கிழமை வழங்கப்பட்டன.

மகளிர் மற்றும் சிறுவர் விவகார அமைச்சின் அனுசரணையுடன்  'நிலையான எதிர்காலத்துக்கு வலுவான பெண்கள்' என்ற தொனிப்பொருளில் ஆலையடிவேம்புப் பிரதேசத்திலுள்ள பெண்களின் திறன்களை மேம்படுத்தும் வேலைத்திட்டத்தை அடிப்படையாகக் கொண்டு அவர்களை வலுப்படுத்தும் நோக்கில் இந்த உதவிப் பொருட்கள் வழங்கப்பட்டன.

கண்ணகி கிராமத்திலுள்ள தும்புத் தொழிற்சாலையில் இடம்பெற்ற இந்நிகழ்வில் தும்பு உற்பத்திப் பயிற்சிகளை நிறைவு செய்த 5 பேரைக் கொண்ட பெண்கள் குழுவுக்கே இந்த உதவிப் பொருட்கள் வழங்கப்பட்டன.