உதவி முகாமையாளரை கொலை செய்த சந்தேகநபருக்கு விளக்கமறியல் நீடிப்பு

-எம்.எஸ்.எம். ஹனீபா

கல்முனைப் பொலிஸ் பிரிவுக்குட்பட்ட சர்வோதய அபிவிருத்தி நிதிக் கம்பனியின் உதவி முகாமையாளரான பெண்ணொருவரை, வெட்டிக் கொலை செய்தகுற்றச்சாட்டின் பேரில் கைதுசெய்யப்பட்டு விளக்கமறியலில் வைக்கப்பட்டுள்ள சந்தேகநபரை, எதிர்வரும் 22ஆம் திகதி வரை தொடர்ந்தும் விளக்கமறியலில் வைக்குமாறு கல்முனை நீதவான் நீதிமன்ற நீதவான் ஐ. பயாஸ் றஸாக், இன்று திங்கட்கிழமை (08) உத்தரவிட்டுள்ளார்.

கடந்த பெப்ரவரி மாதம் 27ஆம் திகதி காரியாலயத்துக்குச் சென்று கடமையாற்றிக் கொண்டிருக்கும் போதே இக் கொலை இடம்பெற்றுள்ளதாகத் தெரிய வருகின்றது.

குளோரி வீதி நற்பிட்டிமுனை, கல்முனையைச் சேர்ந்த ராஜேஸ்வரன் சுலக்ஷனா (வயது 33) என்பவரே கொல்லப்பட்டுள்ளார்.

சந்தேகத்தின் பேரில் கைது செய்யப்பட்டு விளக்கமறியலில் வைக்கப்பட்டுள்ள சந்தேக நபரை கல்முனை நீதவான் நீதிமன்ற நீதவான் ஐ.பாயாஸ் றஸாக் முன்னிலையில் மீண்டும் இன்று (08) ஆஜர் செய்த போது தொடர்ந்தும் விளக்கமறியலில் வைக்குமாறு நீதவான் உத்தரவிட்டுள்ளார்.