ஒருவகைக் காயை உட்கொண்ட 7 சிறுவர்கள் சுகவீனம்

-பைஷல் இஸ்மாயில்

அம்பாறை, ஒலுவில் பிரதேசத்தில் ஒரு வகையான காயை உட்கொண்ட 04 வயது முதல் 07 வயதுச் சிறுவர்கள் சுகவீனமடைந்த நிலையில் இன்று திங்கட்கிழமை காலை வைத்தியசாலையில் அனுமதிக்கப்பட்டுள்ளனர்.

விளையாடிக்கொண்டிருந்த இந்தச் சிறுவர்கள் ஒரு வகையான காயை உட்கொண்டபோது, விஷமான நிலையில் உடனடியாக ஒலுவில் மாவட்ட வைத்தியசாலையில் அனுமதிக்கப்பட்டனர். இதன் பின்னர் மேலதிக சிகிச்சைக்காக இச்சிறுவர்கள் கல்முனை அஷ்ரப் ஞாபகார்த்த வைத்தியசாலைக்கு மாற்றப்பட்டுள்ளதாக ஒலுவில் மாவட்ட வைத்தியசாலையின் வைத்தியப் பொறுப்பதிகாரி வைத்தியர் ஏ.ஆர்.முஹம்மட் அலி தெரிவித்தார்.

இதன்போது, ஒரே குடும்பத்தைச் சேர்ந்த 03 சிறுவர்கள்  உள்ளடங்கலாக 07 பேர் பாதிக்கப்பட்டுள்ளதாகவும் அவர் கூறினார்.