கஞ்சா கலந்த பாக்கு, மதனலேகியத்துடன் ஒருவர் கைது

-கனகராசா சரவணன்

அம்பாறை, கல்முனைப் பிரதேசத்திலிருந்து நாவிதன்வெளிப் பிரதேசத்துக்கு கஞ்சா கலந்த மாவா பாக்கு மற்றும் மதன லேகியத்தை வைத்திருந்ததாகக் கூறப்படும் 19 வயதுடைய இளைஞர் ஒருவரை நேற்று வியாழக்கிழமை நள்ளிரவு பொலிஸார் கைதுசெய்துள்ளனர்.

அத்துடன், இச்சந்தேக நபரி;டமிருந்து தங்கச்சங்கிலி ஒன்றையும்; மோட்டார் சைக்கிள் ஒன்றையும் பொலிஸார் கைப்பற்றியுள்ளனர்.

கல்முனை -சவளக்கடை பிரதான வீதியில் பொலிஸார் வீதிச் சோதனையில் ஈடுபட்டிருந்ததாகவும் இதன்போது, மோட்டார் சைக்கிளில் பயணித்த இச்சந்தேக நபரை வழிமறித்துச்  சோதனையிட்ட வேளையில் அவரிடம் கஞ்சா கலந்த மாவா பாக்கு 21 கிராமும் ஆறு மதனலேகியங்களும் ஒரு தங்கச்சங்கிலியும்; இருந்தமை தெரியவந்தது.

இச்சந்தேக நபர் சவளக்கடை பிரதேசத்தைச் சேர்ந்தவர் என்பதுடன், பாடசாலை மாணவர்களுக்கு விற்பதற்காகவே கஞ்சா கலந்த பாக்குகளை கொண்டுவந்ததாக பொலிஸாரின் ஆரம்பக்கட்ட விசாரணையில் தெரியவந்துள்ளது.