கஞ்சாவுடன் இருவர் கைது

-கனகராசா சரவணன்

அம்பாறை நகரப்பகுதியில் கஞ்சாவுடன் நடமாடிய இருவரை, நேற்று புதன்கிழமை (09) இரவு கைதுசெய்துள்ளதாக அம்பாறைப் பொலிஸார் தெரிவித்தனர்.

பொலிஸாருக்குக் கிடைத்த தகவல் ஒன்றினையடுத்து நகரப்பகுதியில் பொலிஸார் சுற்றிவளைத்து சோதனையிட்டபோது தலா 2 கிராம் கஞ்சாவுடன் சந்தேகநபர்கள் இருவரைக் கைதுசெய்துள்ளனர்.

இச்சம்பவத்தில் கைதுசெய்யப்பட்டவர்களை நீதிமன்றத்தில் ஆஜர்படுத்த நடவடிக்கை எடுக்கப்பட்டுள்ளதாகப் பொலிஸார் தெரிவித்தனர்.