கஞ்சாவுடன் ஒருவர் கைது

-எஸ்.கார்த்திகேசு,எம்.எஸ்.எம்.ஹனீபா

கேரள கஞ்சாவை வைத்திருந்ததாகக் கூறப்படும் 22 வயதுடைய ஒருவரை அறுகம்பை சுற்றுலாப் பிரதேசத்தில்  இன்று வியாழக்கிழமை கைதுசெய்துள்ளதாக பொலிஸார்  தெரிவித்தனர்.

இச்சந்தேக நபரிடமிருந்து 141 கிராம் கேரள கஞ்சாவை கைப்பற்றியுள்ளதாகவும் பொலிஸார் கூறினர்.

இவர் அறுகம்பை சுற்றுலா விடுதியொன்றில்; மேசன் கூலியாளாக வேலை செய்து வருபவர் என விசாரணையிலிருந்து தெரியவந்துள்ளது.

இவரிடம் பொலிஸார் விசாரணைகளை மேற்கொண்டுள்ளனர்.