கஞ்சா வைத்திருந்தவர்களுக்கு அபராதம்

-எம்.எஸ்.எம். ஹனீபா 
 
அக்கரைப்பற்று பிரதேசத்தில் சட்டவிரோதமாக கஞ்சா வைத்திருந்த குற்றச்சாட்டின் பேரில் கைதுசெய்யப்பட்ட மூவரில் ஒருவருக்கு 10,000 ரூபாயும் ஏனைய இருவருக்கும் தலா 07,500 ரூபாயும் அபராதம் அக்கரைப்பற்று மாவட்ட நீதிமன்ற நீதவானும் நீதவான் நீதிமன்ற நீதவானுமாகிய திருமதி நளினி கந்தசாமி, இன்று புதன்கிழமை (27) விதித்துள்ளார்.
 
அக்கரைப்பற்று பொலிஸாரால் குறித்த நபர்கள், நேற்று செவ்வாய்க்கிழமை (27) இரவு கைதுசெய்யப்பட்டிருந்தனர்.
 
இவர்களை, அக்கரைப்பற்று மாவட்ட நீதிமன்ற நீதவானும் நீதவான் நீதிமன்ற நீதவானுமாகிய திருமதி நளினி கந்தசாமி முன்னிலையில் இன்று (27) ஆஜர்படுத்தியபோதே மேற்கண்டவாறு அபராதம் விதிக்கப்பட்டது.