கண்காட்சியும் சான்றிதழ் வழங்கும் நிகழ்வும்

ஏ.எஸ்.எம்.முஜாஹித்

காரைதீவு பிரதேச செயலக பிரிவுக்குட்பட்ட மகளிர் அபிவிருத்தி பயிற்சி நிலையத்தில், ஒரு வருட கால டிப்ளோமா பயிற்சியை பூர்;த்தி செய்த யுவதிகளுக்கு சான்றிதழ் வழங்கும் நிகழ்வும், பிரதேச கண்காட்சியும் நேற்று செவ்வாய்க்கிழமை (12) பிரதேச செயலகத்தில் இடம்பெற்றது.

இதன்போது, பயிற்சி காலத்தின் போது  செய்யப்பட்ட கைவினைப் பொருட்கள் காட்சிக்கு வைக்கப்பட்டதுடன், கைப்பணிப் பொருள் விற்பனையும் இடம்பெற்றது.

இந்நிகழ்வில், டிப்ளோமா பயிற்சியை பூர்;த்தி செய்த 30 யுவதிகளுக்கு சான்றிதழ்கள் வழங்கி வைக்கப்பட்டன.

காரைதீவு பிரதேச செயலாளர் திருமதி எஸ்.ஸ்ரீகாந்த் தலைமையில் இடம்பெற்ற நிகழ்வில், கிழக்கு மாகாண கிராம அபிவிருத்தி திணைக்களத்தின் மாகாண பணிப்பாளர் கே.அருந்தவராஜா, அம்பாறை மாவட்ட மேலதிக அரசாங்க அதிபர்; கே.விமலநாதன், மாவட்ட கிராம அபிவிருத்தி உத்தியோகத்தர் எச்.கலீலுர் ரஹ்மான், காரைதீவு பிரதேச செயலக கிராம அபிவிருத்தி உத்தியோகத்தர் பி.கோகுலராஜன், கிராம அபிவிருத்தி திணைக்கள அதிகாரிகள், பிரதேச செயலக உத்தியோகத்தர்;கள் உட்பட பலர் கலந்துகொண்டனர்.