களை நாசினிகளை விற்பனை செய்ய முயன்றவர்கள் கைது

-எம்.எஸ்.எம். ஹனீபா

சம்மாந்துறைப் பிரதேசத்தில் சட்டவிரோதமாக சுமார் 30 இலட்சம் ரூபாய் பெறுமதியான களை நாசினிகளை விற்பனை செய்வதற்கு முயன்ற 03 நபர்கள், இன்று (26) காலை கைது செய்யப்பட்டுள்ளதாக, சம்மாந்துறை பொலிஸ் நிலையப் பொறுப்பதிகாரி எம்.கே. இப்னு அசார் தெரிவித்தார்.

நவகம்புர பிரதேசத்திலிருந்து திருடப்பட்டு சட்டவிரோதமாக லொறி ஒன்றின் மூலம் சுமார் 30 இலட்சம் ரூபாய் பெறுமதியான களை நாசினிகள் கொண்டுவரப்பட்டு, அதில் 15 இலட்சம் ரூபாய்க்கு விற்பனை செய்வதற்கு முற்பட்ட போதே, இவர்கள் கைது செய்யப்பட்டுள்ளதாக அவர் தெரிவித்தார்.

இது தொடர்பாக மேலதிக விசாரணை மேற்கொள்ளப்பட்டுள்ளதாகவும் பொலிஸ் நிலையப் பொறுப்பதிகாரி எம்.கே. இப்னு அசார் மேலும் தெரிவித்தார்.