கள்ளச் சாராயம் விற்பனை செய்த பெண் கைது

-ஏ.எச்.ஏ.ஹுஸைன்

சட்டவிரோதமான முறையில் வீட்டில் சாராயம் விற்பனை செய்த குடும்ப பெண்ணொருவரை நேற்று ஞாயிற்றுக்கிழமை மாலை கல்முனை பொலிஸார் கைது செய்துள்ளனர்.

குறித்த பெண் நீண்ட காலமாக இவ்வாறு சட்டவிரோதமான முறையில் மதுபான விற்பனையில் ஈடுபட்டு வருவது தொடர்பில் பொதுமக்களிடமிருந்து கிடைக்கப்பெற்ற இரகசிய தகவலொன்றின் அடிப்படையில் ஸ்தலத்துக்கு விரைந்த பொலிஸார் அப்பெண்ணை கைது செய்துள்ளனர்.

கைது செய்யப்பட்ட பெண்ணிடமிருந்து 180 மில்லி லீற்றர் வடிசாராயத்தை பொலிஸார் கைப்பற்றியுள்ளனர்.  

இவரை நீதிமன்றத்தில் ஆஜர்படுத்துவதற்கான நடவடிக்கைகளை பொலிஸார் மேற்கொண்டு வருகின்றனர்.