காட்டு யானை தாக்கியதில் விவசாயி பலி

ரீ.கே.றஹ்மத்துல்லா, எஸ்.கார்த்திகேசு, எஸ்.ஜமால்டீன்

அம்பாறை, அட்டாளைச்சேனை மீனோடைக்கட்டு பிரதேசத்தில்  புதன்கிழமை காலை 5.30 மணியளவில் யானை தாக்குதலுக்குள்ளான விவசாயி ஒருவர் ஸ்தலத்திலேயே உயிரிழந்ததாக அக்கரைப்பற்று பொலிஸார் தெரிவித்தனர்.

அட்டாளைச்சேனை மீனோடைக்கட்டு 09ஆம் பிரிவைச் சேர்ந்த கமர்;தீன் என்றழைக்கப்படும் அகமதுலெவ்வை அப்புதுல் கபூர் (வயது 66) என்பவரே இவ்வாறு பலியாகியுள்ளார்.

இவர் வயல் வேலைக்காக அம்பாறை- அக்கரைப்பற்று வீதியிலிருந்து நான்காம் கட்டை வீதியூடாக சென்றபோது காட்டு யானை தாக்கியுள்ளதாக தெரியவருகிறது.