கொள்ளைக்காரர் ஐவர் கைது

-வி.சுகிர்தகுமார்  

கொள்ளைச் சம்பவங்களுடன் தொடர்புடையதாக சந்தேகிக்கப்படும் ஐவரை, நேற்று செவ்வாய்க்கிழமை (19) இரவு கைதுசெய்யப்பட்டுள்ளதாக அக்கரைப்பற்று பொலிஸார் தெரிவித்தனர். 

கைதுசெய்யப்பட்டவர்களுள் இரு பெண்களும் அடங்குவதாகப் பொலிஸார் குறிப்பிட்டனர்.

அக்கரைப்பற்று பிரதேசத்தில் அண்மைக்காலமாக நடைபெற்றுவரும் கொள்ளைகள் தொடர்பில் அக்கரைப்பற்று பொலிஸார் தேடுதல் நடவடிக்கைகளில் ஈடுபட்தைத் தொடர்ந்தே இச்சந்தேகநபர்கள் கைது செய்யப்பட்டுள்ளனர்.

கைதுசெய்யப்பட்டவர்கள், அக்கரைப்பற்று பொலிஸ் நிலையத்தில் தடுத்து வைக்கப்பட்டு விசாரணைக்குட்படுத்தப்பட்டுள்ளனர்.